Tünevin Qırımda 148 yañı COVID-19 hastası qayd etildi. Bunı Qırımnıñ işğalci Sağlıq saqlav nazirligi haber etti.
Resmiy malümatqa köre, keçenlerde 155 adam tüzelgen, 9 vefat etken.
Yanvarnıñ 16-nda 139 yañı hasta ve 10 ölüm aqqında haber etilgen edi.
Yanvarnıñ 17-nden başlap, Qırımda koronavirus ile bağlı sıñırlavlar arttırıla. Restoranlar, ticaret merkezleri, salonlar, sport-zalları, teatr ve kinoteatrlerde ziyaretçilerden QR-kodlarnı soracaqlar.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
