"E Merkezi" malümat resurslarını nezaret ete. Bu içtimaiy ağlar, telegram kanalları, bloglar, forumlar, farqlı izaatlar ile saytlar.
"Olarnıñ esas vazifesi - "işanılmaz şahıslarnı" tapmaq ve olarnı mahsus "AİS eksrtemist" bazasına kirsetmek. Böyle bir bazağa kirsetüv içün sebep Rusiyeniñ tecavuzını tenqit etken ya da Ukrayinağa destek bildirgen beyanatlar ola bile", - dep bildireler Ukrayina Milliy tirenüv merkezinde.
Ukrayina Milliy tirenüv merkeziniñ malümatına köre, rusiyeliler Qırımda artıq 7 biñge yaqın adamnı öz bazasına kirsetken. Olarnıñ arasında biñge yaqın qırımtatardır.
Haber etilgeni kibi, Qırımda Roskomnadzor yardımı ile Kreml içün elverişli olmağan malümat yayınlanğan malümat resursları blok etile eken. Bundan ğayrı, "E" merkeziniñ hadimleri Rusiye memuriyetinde ve kritik infraterkip obyektlerinde çalışacaq namzetlerni ve teşkere eken.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
