Link açıqlığı

Qırımnı qaytarmaq – imkâsızdır – Avropa deputatı


Dünya cemaatçılığı Qırımnıñ Rusiyege qoşulmasını tanımasa da, yarımada Ukrainağa qaytmaycaq.

Bu kibi fikirni Avropa parlamentiniñ deputatı Elmar Brok bildirdi. Bunı «Ukrainskaya pravda» bildire.

Bunen beraber: «Rusiye areketleri halqara qanunlarını boza ve bu sebepten halqara toplulıq tarafından tanılmaycaq», qayd etti Brok.

Onıñ fikirince, Ğarp Ukrainanıñ bitaraflığını qabul etmeli, Ukraina ise NATO-ğa qoşulmamaq kerek.

Avropa deputatı Moskvağa qarşı iqtisadiy cezalarnı izaatlar eken, Rusiyeliler bizge bağlı, biz olarğa o qadar bağlı degilmiz, - dep qayd etti. Onıñ fikirince, Moskva naqil etken gaz kârına daa muhtac.

Qırım «referemdumından» soñ, martnıñ 18-de Moskvada Vladimir Putin Qırımnıñ öz başına tayinlengen akimiyeti ile añlaşman imzaladı. Vesiqa boyunca, Qırım Rusie terkibine kirsetilmesi közde tutula edı. Martnıñ 21-de añlaşman tasdiqladılar. Lâkin, Ukraina ve dünyanıñ küçlü memleketleri ne «referendumnı», ne de Qırımnıñ Rusiyege qoşulmasını tanımadılar.
XS
SM
MD
LG