Devlet sıñır hızmetiniñ bildirgenine köre, Ukrainağa Qırımnı qanunsız ziyaret etken Rusiye aktrisasını yibermegenler. Qayd etile ki, sıñırcılar aktrisağa kirüv yasağı aqqında “Borıspil” ava limanında bildirgenler.
Rusiyeli Ukrainağa fevralnıñ 4-nde İstanbuldan (Türkiye) kelgen.
Sıñır nezareti tedbirleri vaqtında “Kyiv” Ayrı yoqlav keçitiniñ arbiy hadimleri, Rusiye vatandaşı keçken sene “Qırımnı qanunsız ziyaret etkenini” belgilegenler
“Yarımadağa o, kiriş-çıqış nizamını bozıp kelgen. Mevcut malümatqa köre, o, “Nepotoplâyemaya” serialınıñ çekişelrinde iştirak etken. Anda baş rolüni icra etken”, – dep haber etile.
Rusiye vatandaşı Memuriy uquq bozuvı aqqında Ukraina Qanunnamesiniñ 204-2 maddesine binaen memuriy mesüliyetke çekilgen. Onı Ukrainağa yibermegenler ve 3 yılğa kirüvni yasaq etkenler.
Sıñırcılar aktrisanıñ adını aytmaylar. Amma açıq menbalarnıñ malümatına köre, “Nepotoplâyemaya” serialında baş rolüni Glafira Tarhanova oynağan.
Ukraina Devlet sıñır hızmetiniñ Herson bölüginiñ sıñırcıları memleketke bir çetel adamnı kirsetmegenler. Haber etilgenine köre, erkek “qanunsız Qırımnı ziyaret” etken.
İdareniñ malümatına köre, 2020 senesi sıñır nezareti vaqtında bölükniñ arbiy hızmetçileri türlü sebeplerden 50 kişini memlketke yibermegen.
Qırımnı qanunsız ziyaret etken Rusiye vatandaşını Ukrainağa yiberegenler. Bu aqta dekabrniñ 26-nda Ukraina Devlet sıñır hızmeti haber etti.
Evel, sıñırcılar Rusiye telekanalınıñ alıp barıcısına Ukrainağa kirişni üç yılğa yasaq etken ediler.
Bundan ğayrı, Ukraina Devlet sıñır hızmeti memleketimizge RT Rusiye telekanalınıñ operatorını yibrmegen edi.
