Qırımda cumaertesi künü furtunalı sağanaq beklenile. Bu aqta yarımada gidromettsentri bildire.
Sinoptiklerniñ tahminlerine köre, Aqmescitte (Simferopol) kündüz bazı yerde qısqa vaqıt yağğan yağmur, furtuna. Kündüz ava arareti +29…+31° derecege qadar.
Bildirilgenine köre, Aqyarda (Sevastopol) kündüz yağmur, kimerde küçlü yağmur ve furtuna. Ava arareti kündüz +26…+28° derecede.
Qırımnıñ cenübinde qısqa vaqıt yağğan yağmur, sağanaq. Ava arareti kündüz +27…+29° derecede.
Keriçte qısqa vaqıt yağğan yağmur, sağanaq. Ava arareti kündüz +30…+32° derecede.
İyün 7-sinde küçlü sağanaq Aqyarnıñ azbar ve soqaqlarını suvnen toldurdı. Garajlar ve şahsiy evlerni de suv bastı. Şeerliler içtimaiy ağlarda kimer yerde tavanınace suv tübünde olğan maşnalarnıñ süret ve videolarını derc ete edi.
