Qırımnıñ Yedi Quyu (Leninskiy) rayonında qurtarıcılar, 2,5 killogramlıq avia bombasını ve "F-1" granatasını areketsiz alğa ketirdiler, dep bildire Rusiye FVN-niñ Qırım idaresi.
"Patlayıcı maddeler tapılğanı aqqında yerli sakin bildirdi, o, arbiy yedekke oşağan maden nesneni çölde taptı. Keriç mahsus deñiz otrâdınıñ mütehassısları, nesneni - 2,5 killogramlıq avia bombası kibi identefikatsiya etti. Bundan soñ yapılğan tetqiqlerde "F-1" granatası tapıldı", - denile beyanatta.
Müessisege köre, tapılğan arbiy yedeklerni yerden çıqardılar ve mahsus poligonğa alıp çıqtılar, anda ise bütün telükesizlik qaidelerine uyıp, patlattılar.
Bundan evel Qırımnıñ Yedi Quyu (Leninskiy) rayonında iyülniñ 7-sinde Ekinci Cian cenkinden qalğan avia bombasını areketsiz alğa ketirdiler.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
