Qırımtatar Milliy Meclisiniñ kenişletilgen toplaşuvında bildirdiler ki, cumhuriyetniñ esas vesiqasını (Qırım Anayasası – muarrir) azırlav esnası qapalı edi, cemaatçılıq tarafından muzakere etilmedi.
Bunı Meclisniñ matbuat hızmeti bildire.
Meclis reisi Refat Çubarovnıñ aytqanına köre, Qırımda tizilgen anayasa komissiyası 2 kere toplaştı – 2014 senesi martnıñ 27-de teşkiliy toplaşuv ötkerildi ve 2014 senesi aprelniñ 9-da «birisi» tarafından azırlanılğan ve taqdim etilgen Cumhuriyet Anayasa leyhasını baqmaq içün muşavere keçirildi.
«Anayasa komissiyası tek perde olaraq qullanıldı», – dey Çubarov.
Onıñ bildirgenine köre, Qırımtatar Milliy Meclisi Qırım Anayasasında mıtlaqa aks ettirilecek maddelerni farqlı şekilde seslendirgen edi.
«Bu tekliflerniñ bir qısmı, şu cümleden, qırımtatar halqını akimiyet organlarında temsil etmek, Qurultay ve Qırımtatar Milliy Meclisini qırımtatar halqınıñ milliy idare organları olaraq tanımaq teklifi ve bir sıra diger maddeler, 2014 senesi martnıñ 11-de Qırım Muhtar Cumhuriyetiniñ «Qırımtatar halqı aq-uquqlarını ğayrıdan tiklev kefaleti ve onıñ Qırım cemiyetine integratsiyası» aqqında Qararına kirsetilgen edi. Neticede, 2014 senesi aprelniñ 11-de tasdıqlanacaq Qırım Cumhuriyetiniñ Anayasa leyhasında yuqarıdaki teklifler yoq», – dep ayttı Çubarov.
Meclis azalarınıñ qayd etkenlerine köre, Qırımnıñ şimdiki akimiyeti Rusiyede olğan qaidelerge bile boysunmay.
«Rusiye Federatsiyası terkibine kirgen aman-aman er bir cumhuriyetniñ Anayasası cemaatçılıq beraber muzakere etilgen edi, – dep bildirdi Meclis reisi. – Adamlarğa müim bir vesiqanı muzakere etmege imkân bere ediler, lâkin Qırımda yaşağan adamlarnı bu aqtan muram qaldırdılar».
Refat Çubarov emin ki, Qırım Cumhuriyeti Anayasasınıñ leyhası qırımtatarlar içün uyğun degil, çünki vesiqada qırımtatar halqınıñ Qırımnıñ tamır halqı olaraq saqlap qalması ve inkişafı kefil etilmey.
Meclis azaları Meclis Beyanatına esaslanıp, Anayasada qırımtatarlarğa cumhuriyetniñ cemaat-siyasiy ayatında semereli iştirak etmege imkân bergen maddeler yoq, dep bildirdiler. Böyle etip, devlet akimiyeti ve cemaatçılıq arasında itibar olmağanı medeniyetlerara munasebetlerge menfiy tesir etmesi mümkün, dep qayd etile.
Tanılmağan Qırım Cumhuriyeti Devlet Şurasınıñ reisi Vladimir Konstantinov Qırım Anayasası bu cuma künü qabul etilecegini bildirdi.
Bunı Meclisniñ matbuat hızmeti bildire.
Meclis reisi Refat Çubarovnıñ aytqanına köre, Qırımda tizilgen anayasa komissiyası 2 kere toplaştı – 2014 senesi martnıñ 27-de teşkiliy toplaşuv ötkerildi ve 2014 senesi aprelniñ 9-da «birisi» tarafından azırlanılğan ve taqdim etilgen Cumhuriyet Anayasa leyhasını baqmaq içün muşavere keçirildi.
«Anayasa komissiyası tek perde olaraq qullanıldı», – dey Çubarov.
Onıñ bildirgenine köre, Qırımtatar Milliy Meclisi Qırım Anayasasında mıtlaqa aks ettirilecek maddelerni farqlı şekilde seslendirgen edi.
«Bu tekliflerniñ bir qısmı, şu cümleden, qırımtatar halqını akimiyet organlarında temsil etmek, Qurultay ve Qırımtatar Milliy Meclisini qırımtatar halqınıñ milliy idare organları olaraq tanımaq teklifi ve bir sıra diger maddeler, 2014 senesi martnıñ 11-de Qırım Muhtar Cumhuriyetiniñ «Qırımtatar halqı aq-uquqlarını ğayrıdan tiklev kefaleti ve onıñ Qırım cemiyetine integratsiyası» aqqında Qararına kirsetilgen edi. Neticede, 2014 senesi aprelniñ 11-de tasdıqlanacaq Qırım Cumhuriyetiniñ Anayasa leyhasında yuqarıdaki teklifler yoq», – dep ayttı Çubarov.
Meclis azalarınıñ qayd etkenlerine köre, Qırımnıñ şimdiki akimiyeti Rusiyede olğan qaidelerge bile boysunmay.
«Rusiye Federatsiyası terkibine kirgen aman-aman er bir cumhuriyetniñ Anayasası cemaatçılıq beraber muzakere etilgen edi, – dep bildirdi Meclis reisi. – Adamlarğa müim bir vesiqanı muzakere etmege imkân bere ediler, lâkin Qırımda yaşağan adamlarnı bu aqtan muram qaldırdılar».
Refat Çubarov emin ki, Qırım Cumhuriyeti Anayasasınıñ leyhası qırımtatarlar içün uyğun degil, çünki vesiqada qırımtatar halqınıñ Qırımnıñ tamır halqı olaraq saqlap qalması ve inkişafı kefil etilmey.
Meclis azaları Meclis Beyanatına esaslanıp, Anayasada qırımtatarlarğa cumhuriyetniñ cemaat-siyasiy ayatında semereli iştirak etmege imkân bergen maddeler yoq, dep bildirdiler. Böyle etip, devlet akimiyeti ve cemaatçılıq arasında itibar olmağanı medeniyetlerara munasebetlerge menfiy tesir etmesi mümkün, dep qayd etile.
Tanılmağan Qırım Cumhuriyeti Devlet Şurasınıñ reisi Vladimir Konstantinov Qırım Anayasası bu cuma künü qabul etilecegini bildirdi.
