Qırımnıñ sabıq prezidenti Yuriy Meşkov sentâbrniñ 1-nde insultqa oğradı ve suniy komada buluna. Bu aqta sentâbrniñ 2-nde Qırımda Rusiye tarafdarı cemaat faali Sergey Akimov Qırım.Aqiqatqa bildirdi.
«İnsultqa oğradı. Şimdi Türkiyede buluna. Onı suniy komağa kirsetkenler. Bugün Moskva saatinen 11:00-da onı andan çıqaracaqlar. İleride ne olacaq – baqacaqmız», – dep ayttı Akimov.
Daa evel Yuriy Meşkovnıñ qızı Marianna babası insultqa oğrağanını Facebook saifesinde yazğan edi.
İşğal etilgen Qırımnıñ müessiseleri mezkür malümatnı şimdilik tasdıqlamay.
1990-ıncı yıllarnıñ başında Yuriy Meşkov Qırımnıñ Cumhuriyet areketi ve «Rusiye» Blokunıñ yolbaşçısı edi, olar yarımadanıñ Ukrainadan mustaqil olmasına ve daa soñra Rusiye Federatsiyasına qoşulmasına qoltutqan ediler.
1994 senesi Qırımnıñ ilk ve soñki prezidenti olaraq saylanğan edi.
«Rusiye» blokundaki bölünüv ve Ukraina akimiyetiniñ areketleri neticesinde Rusiyege ketmege mecbur edi. Yarımada işğaline qadar anda yaşağan edi. Şimdi Kreml kontrolindeki Qırım akimiyetine muhalif ola.
