Link açıqlığı

Ukraina çetel işler nazirliginde Avropa birligi Qırımda bulunğan Rusiye vatandaşlarınıñ vizalarınıñ elde etüvini kerekli tarzda nezaret etecegine ümüt besleyler, dep bildirdi Ukraina çetel işler nazirliginde AB departamentiniñ müdiri Vsevolod Çentsov.

«Qırımda yaşağan Rusiye Federatsiyasınıñ vatandaşları ile ne yapmağa sual bardır. AB Qırımda yaşağan Rusiye vatandaşları vizalarnı elde etmek içün Ukraina elçihanelerine muracaat etmek kerek olğanını ilân etti, pek doğru qarar. Rusiye Federatsiyası çeşit tuzaqlarnı qullana, faqat AB şahısnıñ kerçek yaşağan yerini qayd etmek içün imkânı bardır. Menimce, böyle nezaret mıtlaqа olacaqtır ve AB böyleliknen işğalni tanımaz», – dedi Çentsov.

O şunı da qayd etti ki, Qırımda yaşağan ukrainliler Ukraina elçihanelerinde ve diger şeerlerinde vizalarnı elde etmeli.
XS
SM
MD
LG