Kreml nezaretindeki Qırım nazirler şurasınıñ reis müavini, Rusiye prezidentiniñ Qırımda daimiy vekili Georgiy Muradov, yarımadada sovet devrinden soñ yıllarınıñ turistik rekordı yapıldı, dep ayta. Onıñ malümatına köre, qışnıñ başına qadar Qırımda 7 milliondan çoq turist raatlandı. Bunı o, TASS rusiye haber agentligine haber etti.
"Bu yıl 7 millionlıq sıñırdan aştıq. Qırım - Rusiye Federatsiyasınıñ, turizm ve raatlanuv maqsadınen ziyeretlerge köre, Krasnodar ülkesinden soñ ekinci bölgesi", - Muradovnıñ sözlerinden yaza agentlik.
Daa evel Qırımnıñ rusiyeli parlamentiniñ turizm komitetiniñ reisi Aleksey Çernâk, "Krıminform" matbuatına intervyü bergende, 2019 senesinde turistlerniñ sayısı 7 millionğa qadar, kelecek yılda ise 7,5 millionğa qadar olacaq, dep ayttı. Onıñce, yarımadanıñ infrastrukturası, yılda 10 millionğa qadar adamnı qabul etmege azır.
"Orion-İntur" şirketiniñ baş müdiri Yuriy Dereş, Qıımnı ziyaret etken 7-7,5 million turist sayısına inanmay. Onıñ aytqanına köre, 2014 senesinden soñ Qırımğa kelgen turistlerniñ çoqusı toqtandı, ve 3-6 million qaydan alığanı - añlaşılmay.
