Link açıqlığı

Qırımnıñ Rusiye terkibinden çıqmağa imkânı olmaycaq – matbuat vastaları


Rusiye qısımı olğan Qırım Rusiye Federatsiyasınıñ terkibinden endi çıqıp olamaz.

Bunı RF Devlet dumasınıñ konstitutsion komitetiniñ reisi Volodımır Pligin bildirdiю. Bunı «Vedomosti» rus neşiri yazdı.

Anayasağa köre, Rusiye suvereniteti onıñ bütün territoriyasına cayray ve onıñ terkibinden subyektniñ ayırıluvı nazarğa alınmay, qayd ete o.

Anayasada Rusiye Federatsiyası terkibinden onıñ subyektleriniñ çıquvı aqqında madde yoq. 65-ncı maddede yalıñız Rusiye terkibinde yañı subyektleriniñ peyda olması aqqında aytıla. Bunıñ mahsus federal konstitutsion qarar olmalıdır.

İqtisadiyat Yuqarı Mektebiniñ konstitutsion uquq kafedrasınıñ professorı İlya Şablinskiy de Rusiye qanunında subyektlerniñ Federatsiyadan çıquvı nazarda tutılmağanını ayttı.

SSSR terkibinden er bir cumhuriyet serbest çıqa bile edi, 90-ncı seneleri ise böyle imkâniyet bazı cumhuriyetlerniñ anayasalarında da qayd olunğan edi, mında misal içün Tuvanı ketirmek mümkün.

Amma federativ islâatı neticesinde böyle imkâniyetler regional qanunlarından çıqarıldı. Amelde ise regionnıñ ayırıluvı aq degil de, küç meselesidir, dedi Şablinskiy.

Misal içün, 1991 senesi bir taraflama tarzında Çeçnâ öz mustaqilligini ilân etti.
XS
SM
MD
LG