Link açıqlığı

Saatnıñ esas haberi

Qırımnıñ qanunsız ziyareti sebebinden, Avstriya jurnalistine Ukrainağa kiriş yasaqlandı - mebus


Ukraina havfsızlıq hızmeti, ORF Avstriya televizion kanalınıñ başı Kristian Verşütske bir yılğa Ukrainağa kirişni yasaqladı. Daa evel jurnalist ilhaq etilgen Qırımnı ve Donbassnıñ işğal etilgen qısmını qanunsız ziyaret etti. Bu hususta UHH-ne esaslanıp, Söz serbestligi komitetiniñ baş muavini Olga Çervakova haber etti.

“Qırım ve Donbassta silâlı çatışuv başlağanınen, Verşüts Kreml propagandasınıñ uydurmalarını, “Russia today”niñ yalan haberlerini qullanıp, Ukrainadaki vaqialarnı tasvirley edi”, - dep yazdı Çervakova öz Facebook saifesinde.

Halq mabusı, keçken yıl Kronen Zeitung Avstriya gazetası Verşüts aqqında maqale çıqarıp, “Kreml agenti” ORF mühbiri Ukainada ömrü içün qorqa” dep adlandırğanını qayd ete.

Ukrainanıñ bu qararını Avstriya İİN-niñ başı Karin Knaysl tenqit etti.

ORF mühbiri Kristian Verşütsniñ Uktrainağa kirmek yasağı - Avropada qabul etilmegen tsenzura alâmetidir. Biz buñı tenqit etemiz”, - yazdı Knaysl Twitterde.

Verşütsniñ özü bu yasaqnı daa tefsir etmedi.

Daa evel, Ukraina İİN, başqa memleket vatandaşlarına ve vatandaşlıqsız adamlarğa ilhaq etilgen Qırımğa ziyeretlerden vazgeçmege muracaat etti,

2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG