Qırımnıñ Canköy rayonında Mi-28 Rusiye arbiy helikopteri qazağa oğrağan, eki uçucı elâk olğan. Bunı mayısnıñ 12-nde Rusiye Mudafaa nazirligi haber etti.
"2023 senesi mayısnıñ 12-nde saat 15:42-de (Moskva vaqtınen) Qırım cumhuriyetiniñ Canköy rayonında planlı talim uçuşı vaqtında Mi-28 helikopteri qazağa oğradı. Uçuş arbiy komplekt olmadan yapıldı. Yer yüzünde dağıluvlar yoq. Eki uçucu da elâk oldı", - dep yazıla bildirmede.
Mudafaa nazirliginiñ malümatına köre, qazanıñ ilkin sebebi "tehnikanıñ bozulması".
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
