Link açıqlığı

Saatnıñ esas haberi

Qırımnıñ Aqmeçit rayonınıñ başı yol qazasında elâk oldı


Rusiye nezaretindeki Aqmeçit (Çernomorskiy) rayonınıñ memuriyet başı Lüdmila Gluşko, yol qazasında elâk oldı. Bu, dekabr 10-unda saba belli oldı.

Hususan, Qırımnıñ rusiyeli başı Sergey Aksönov, bundan sebep Qırım Nazirler Şurasınıñ oturışında sükünet daqqasını ilân etti.

Gluşkonıñ vefat etkenini "Krıminform" saytına Aqmeçit rayon şurasınıñ reisi Aleksey Mihaylovskiy tasdıqladı.

Nazirler Şurasınıñ başı Yuriy Gotsanük, Facebookta taziyesini bildirdi.

Rusiyeniñ Qırim boyunca İİN-niñ matbuat hızmeti, dekabrniñ 10-unda saba Aqmeçit rayonında yol qazası olğanını ve onıñ neticesinde dört adam elâk olğanını haber etti.

"İlk alınğan malümatqa köre, trassada KİA ve Ford maşnaları çatıştı. Neticede dört adam vefat etti (ekisi KİA maşnasında edi, ekisi - Ford maşnasında)", - denile beyanatta.

İİN-nde elâk olğanlarnıñ şahsiyetini bildirmeyler.

Lüdmila Gluşkonı rayon memuriyetiniñ başı olaraq 2019 senesi oktâbr 29-ında ğayrıdan tayinlegen ediler. Qırım olhaqından evel o, "Krasnoyarskiy" quş sovhozında çalışa edi. 2016 senesinden başlap, Aqmeçit rayonınıñ başı olaraq çalışa edi.


XS
SM
MD
LG