İşğal etilgen Qırımnıñ Aqşeyh rayonındaki Rusiye politsiyasınıñ hadimleri ğayıp olğan qızçıqnı qıdıra. Bu aqta Qırımdaki Rusiye İç işler nazirliginiñ saytında haber etile.
«2019 senesi noyabrniñ 12-nde 2013 senesi noyabrniñ 28-nde doğğan Darya Pilipenko Aqşeyh rayonınıñ Toq Şeyh (Kropotkino) köyündeki evinden belli olmağan yerge ketip, alâ daa qaytmadı», – dep aytıla haberde.
İç işler nazirliginiñ malümatına köre, qıznıñ üstünde pembe renkli kurtka ve pembe pötük bar edi.
Bu sene Aqyarda üç yaşında qızçıqnıñ ğayıp oluvı aqqında haber etilgen edi.
