Krasnoperekopsk rayonınıñ Voinka köyünde bilinmegen bir tütünli duman qayd etildi. Bunı öz Facebook saifesinde qırımtatar faali Nariman Celâl haber etti.
Onıñ aytqanına köre, tütün tünevin qararnen saat 17:40 körünip başladı. Yerli sakinler iç bir qoqu duymadı.
"Adamlarnıñ aytqanına ve yaşagan yerimde körgenime köre, bu tütün ya da duman Qırımnıñ bir qaç köşesinde qayd etildi. Bir yerde yanğı, himiya qoqusı aqqında haber ettiler. Tanışlarım ayta ki, bu toz degil, çünki toz olsa edi, yerge tüşer edi, amma bir yerde bir şey körünmey", - yazdı Celâl.
Şimdilik Qırım müessiselerinden bunıñ iç bir tefsiri yoq.
