Qırımnıñ Aqmeçit rayonınıñ Yarılğaç köyünde bellisiz kişiler direk üstüne Ukrayina bayrağını asqanlar. Bunıñ aqqında "Krımskiy veter" ve "ÇP/Simferopol" telegram kanalları haber ete.
Rusiye tarafdarı faal Aleksandr Talipov Yarılğaçta yüz bergen vaqianı "Malümat ve psihologik ameliyat merkeziniñ işi" dep adlandırdı.
"Adamsız yerde bayraq kötermek, içtimaiy ağlarda darqatmaq, diqqat celp etmek - qulaq asmañız", - dep yazdı o.
Ukrayina prezidentiniñ Qırım MC daimiy temsilcisiniñ muaviniñ soñki malümatına köre, Qırımda RF ordusını "itibardan tüşürüv" qabaatı ile 170 adam mesüliyetke çekilgen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
