İşğal etilgen Qırım sakinlerine Rusiye akimiyeti RF ordusınıñ "diskrediyatsiyası" içün 23,7 mln ruble para cezasını berdi. Bunı Prezidentniñ Qırım Muhtar Cumhuriyetindeki temsilciligi bildire.
Onıñ malümatına köre, 755 qarar çıqarılğan.
"2024 senesi iyülniñ 11-ne qadar Rusiye Federatsiyası Memuriy cinayetler kodeksiniñ 20.3.3 maddesine köre, vaqtınca işğal etilgen Qırımdaki mahkemelerge ve diger organlarğa 847 dava materialı keldi. Olardan 755-inde memuriy ceza şeklinde para cezası ya da diger maddelerge istinaden başqa bir işke qoşuluv qararı çıqarıldı ve umumiy qarar çıqarıldı", — dep aytıla haberde.
Bundan evel Qırımtatar resurs merkeziniñ idare yolbaşçısı Eskender Bariyev 2024 senesiniñ başından Qırımda siyasiy sebeplerden 92 insan apiske alındı, 46-sı - qırımtatar, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
