Link açıqlığı

Saatnıñ esas haberi

Qırımlılar Rusiye ordusınıñ "diskreditatsiyası'" içün 26,4 mln ruble para cezasını aldı


İlhaq etilgen Qırım sakinleri Rusiye ordusınıñ "diskrediyatsiyası" içün 26,4 mln ruble memuriy para cezasını töledi. Bu aqta Ukrayina Prezidentiniñ Qırım Muhtar Cumhuriyetindeki temsilciligi haber ete.

"Umumen alğanda, qullanılğan para cezalarınıñ miqdarı eñ azından 26,4 mln rusiye rublesi (11,2 mln grivna) teşkil ete", — dep aytıla haberde.

2024 senesi sentâbrniñ 20-ne qadar Qırımdaki mahkemelerge ve diger organlarğa Rusiye Federatsiyasınıñ Memuriy uquq bozuvları kodeksiniñ 20.3.3 maddesine istinaden toplanğan 979 malümat keldi.

Olardan 875 davasında memuriy ceza şeklinde qarar çıqarıldı ya da diger madde boyunca diger davağa qoşuldı ve umumiy qarar çıqarıldı. 17 davasınıñ baqılması devam ete.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG