İşğal etilgen Qırımdan memleket içinde köçken insanlar Qırım Muhtar Cumhuriyetiniñ Prokuraturası ile Skype vastasınen bağlanmaq içün ukrain regional prokuraturalarına muracaat ete bile. Bu aqta müessise saytında haber etile.
Hususan, bunıñ kibi muracaatlar Odesa, Lviv, Dnipropetrovsk, Harkiv ve Zaporijjâ vilâyetleriniñ prokuraturalarından kele bile.
Qayd etile ki, qırımlılar Qırım ve Aqyardan köçkenlerniñ aqları ve serbestligi ve halqara gumanitar uquqı ve insan aqları bozulsa, bu bağ usulını qullana bile.
2018 senesi yanvarniñ 24-nde QMC Prokuraturası Rusiye işğal etken yarımadada insan aqları bozulğanına dair gizli malümat almaq içün yañı hızmet açqan edi – saytta elektron forma ve Skype üzerinden online video bağı.
O vaqıt prokuraturanıñ resmiy saytında qırımlılarnıñ aqları bozulğanına, olarğa qarşı yapılğan arbiy cinayetler ve insaniyetlikke qarşı cinayetlerge dair gizli mesaclar içün elektron forma açılğan edi. Prokuratura ile Skype vastasınen online video bağı hızmeti er salı, çarşenbe ve cumaaqşamı künleri saat 10:00-dan saat 13:00-ğa qadar çalışa.
2019 senesi mart ayında BM insan aqları Ukraina missiyasınıñ reisi Fiona Freyzer Rusiye işğal etilgen Qırımda fikir bildirüv serbestligini ve tenqitni bastırmağa devam ete, dep bildirdi.
