Link açıqlığı

Qırımlılar prezident saylavlarında iştirak etmek içün qıtaiy Ukrainağa yol aldılar


Bazar künü, mayıs 25-de, Qırım sakinleri prezident saylavlarında iştirak etmek içün qıtaiy Ukrainağa yol aldılar.

Qırım.Aqiqat elde etken malümatqa köre, saba saat 8-de Qırımtatar Milliy Meclisi binası yanında tahminen yigirmi maşina toplaşıp, Ukrainanıñ Herson vilâyetine taba yolğa çıqtı. Adamlar Rusiye mahsus hızmetleriniñ diqqatını celp etmemek içün kolonnalar tizmediler.

Hatırlatamız, bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20-de qapatılacaq.

Ukraina prezidenti vazifesine 17 adam namzet kösterdi. Esas raqipler Pötr Poroşenko ve «Batkivşçina» firqasınıñ lideri Yuliya Timoşenko oldılar.
XS
SM
MD
LG