Link açıqlığı

Qırımlılarnıñ bank emanetleri ve olğan esaplarnı Rusiye rublesi ile 3,8 kursı boyunca qaytaracaqlar. Bunı bugün Aqmescitte matbuat-konferentsiyası devamında Andrey Melnikov bildirdi, dep haber ete öz başına tayinlengen Qırım akimiyetiniñ «ruporı» «Krıminform» saytı.

Melnikov şunı da qayd etti ki, tazminiy ödevler aprel 18-den soñ avtomatik şekilde olmaycaq. Bundan soñ ukrain banklarnıñ bölükleri çetel maliye müessiseleri kibi resmiyleştirilecek.

«Aprel 17 künü – deadline, bundan soñ endi er bir bank içün mahsus qarar alınacaq», – qayd etti o ve müşterelerge «meseleniñ çezilüvine qadar sabır etmege» rica etti.

Aytqanı kibi, bank müşterelerniñ aqqlarını Rusiyeniñ diger regionlarında olğanı kibi qorçalaycaqlar.

«Ealiniñ esapları grivna ile ödenilgeni sebebinden ödevler şimdi 3,8 kursı boyunca qaytarılacaq».
XS
SM
MD
LG