Dünyanıñ ağır çekideki mutlaq çempionı Aleksandr Usik «Yılnıñ insanı – 2018» prestij unvanını alğanlar taqdirlengende «Yılnıñ sportçısı» unvanında ğalip çıqtı.
«Yılnıñ insanı» tantanalı merasimi Kyivde cumaertesi künü, martnıñ 23-nde, Ukrainanıñ Milliy operasında olıp keçti. Umumen 23 namzetlik bar edi.
Usikten ğayrı, bu unvanğa 2018 senesiniñ Fristayl Olimpik çempionı Aleksandr Abramenko ve 2018 senesiniñ dzüdo boyunca dünya çempionı Dariya Bilolid namzet kösterilgen edi.
Daa evel haber etilgeni kibi, ukrainalı boksçı Aleksandr Usik BoxingScene neşirine köre yılnıñ boksçısı olaraq tanıldı.
2018 senesi noyabrniñ 11-nde Usik britaniyalı Toni Bellyüni Mançesterde nokaut etip, 90,7 kilogrammğa qadarki çekide mutlaq dünya çempionı unvanını qorçaladı. Usik WBC, WBA, WBO, IBF versiyalarına köre çempion quşağını ve The Ring mecmuasınıñ unvanını qorçaladı.
Daa evel Aleksandr Usik 90,7 kilogrammğa qadar çekide dünyanıñ mutlaq çempionı oldı. Ukrainalılarnıñ dünya boks superseriyasınıñ final uruşında rusiyeli Murat Gassiyev ile yarışlaştı. 12 raund neticelerine köre Aleksandr Usik akemlerniñ qararı ile ğalebe qazandı.
