Qırım sakini, Qırım.Aqiqatnıñ sabıq jurnalisti Stanislav Yürçenko III derece"Yararlıq"nişanınen taqdirlendi. Bunıñ aqqında o Facebook saifesinde haber etti.
«Yaralıq» nişanı 1996 senesi sentâbrniñ 22-nde Ukrayina prezidentiniñ №870/96 sanlı qararınen tesis etilgen edi. O Ukrayina içün iqtisadiy, ilmiy, ictimaiy-medeniy, arbiy, devlet, cemaatçılıq ve diger saalarda yüksek yeñişler köstergen Ukrayina vatandaşlarına berile.
Stanislav Yürçenko – bloger, fotograf, rado alıp barıcısı. Özü Keriçten. 2011 senesi Aqmescitte jurnalist olaraq çalışıp başladı. 2014 senesiniñ mart ayında açıluvınıñ ilk aftalarından Qırım.Aqiqat leyhasında çalıştı.
Şimdiki vaqıtta Stanislav Yürçenko "Gratı" ukrayin neşriniñ bild muarriridir, Rusiyeniñ Ukrayinağa qarşı keniş mıqyaslı istilâsını aydınlata.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
