Daa evel Rusiye uquq qoruyıcıları tarafından Zello internet-ratsiyası vastasınen ekstremist laflarda qabaatlanğan qırımlı İsmail Ramazanovnıñ malümatı Rusiyeniñ «terrorist ve ekstremistler cedvelinden» silindi.
Bu malümat Rosfinmonitoringniñ saytında derc etildi.
İsmail Ramazanovğa qarşı dava yanvarniñ 16-nda qapatıldı.
İsmail Ramazanov 2018 senesi yanvarniñ 23-nde tutulğan edi, Novıy mir köyündeki evinde tintüv keçirilgen edi. Rusiye Tahqiqat komiteti, onı Zello internet-radiosı vastasınen ekstremizm teşviqatında qabaatladı.
İyülniñ 14-nde İsmail Ramazanov SİZOdan çıqtı, çünki bu cinaiy iş boyunca şeklengenler yarım yıldan ziyade nezaret altında qalmay.
Qırım aq qorçalayıcı gruppası, «içtimaiy ağlardaki ekstremizm» ükümleri çıqarılğan qırımlılar davanıñ ğayrıdan baqılmasını talap ete bile, dep bildirgen edi. Rusiye prezidenti Vladimir Putin «Rusiye Ceza kodeksiniñ 282-nci maddesine deñişmeler kirsetilgenine dair» qanunnı imzaladı.
