Bağçasaray: qırımlı Osman Belâlovnıñ evinde tintüv keçirildi (video)
Sentâbrniñ 13-nde saba Bağçasarayda Rusiye uquq qoruyıcıları «Qırım birdemliginiñ» faali Osman Belâlovnıñ evinde tintüv keçirdi. Bu aqta birleşmeniñ Facebook saifesinde aytıla. Tintüv vaqtında Osman Belâlov evde yoq edi. O, Aqmescitke yol alğan edi, amma anda öyle de baralmadı. Faallerniñ bildirgenine köre, Osman Belâlov Bağçasaraydaki «Hizb ut-Tahrir davasınıñ» iştirakçisi Memet Belâlovnıñ qardaşı ola. (Video: Facebook Krımskaya solidarnost)