ABD-de belli qırımlı jurnalist ve fotoressam Andrey Kanışçev ağır hastalıqtan soñ vefat etti. Bu aqta jurnalistniñ tuvğanları içtimaiy ağlarda bildirdi.
"Andrey 2024 senesi mayısnıñ 25-nde San-Hose, Kaliforniya şeerinde vefat etti. O, yahşı bir insan edi ve ayatnı seve edi", — dep yazdı Kanışçevniñ balaları onıñ Facebook saifesinde.
Kanışçev Qırım.Aqiqat içün de yaza edi, amma, telükesizlik sebeplerinden, jurnalist farqlı, hususan, Kirill Avtokhtonov ve Maksim Kobza yazuvlı adları ile yayınlağan edi. Bundan da ğayrı o, "Andrey Kanışçev ile lezzetli" kulinar radioyayınınıñ alıp barıcısı edi.
2014 senesi fevralniñ 20-nde Ukrayinağa qarşı Rusiye istilâsı başlandı. Bu künü Qırımğa Rusiye ordusınıñ Rusiye Federatsiyasınıñ Qara deñiz flotunıñ bölükleriniñ rotatsiyası şeklinde köçürüvi başlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
