Aqmescit – «Selâm» din cemiet imamı, keçmişte «topraqlarnıñ qaytaruvı» boyunca qırımtatarlarnıñ teşebbüs gruppalarınıñ faal iştirakçisi Daniyal Ametov qırımtatar milliy Meclisiniñ dağıtuvı ve Qurultaynıñ nevbetten tış saylavlarınıñ keçirilmesi içün imzalarnı toplamağa başladı.
Qırım.Aqiqatqa bergen izaatında o, işbu teşebbüs ile bir de bir teşkiyalât azası olaraq degil de, öz adından teşebbüs köstergenini aytıp keçti. Amma, ileride şu teklifni cemaat ve yaşlar teşkilâtları da alğışlay bilecegini nazarda tuta.
Böyle teşebbüsniñ sebeplerini aytqanda, Ametov Meclisniñ soñki areketlerini, yani «işğal rejimi ile işbirlik»ke ketkenini aytıp keçe.
«İşğalcilernen halqnı qorçalamaq içün işbirlikke razı olğanlarını aytalar. Lâkin, istilâcı mında cennet yapmaq içün bizni zapt etmedi. Aksine, bizden aş, mesken ve Vatanımıznı tutıp almaq ve böyleliknen, kendilerniñ raatlığını temin etmek içün bunı eteler. Duşmanğa boysunmaq – öldürüv kibidir, yani qoy olıp, işğalciniñ vazifesini qolay etmektir. Yüce Allah Quranda böyle dey: beden ve maddiy şeylerini coymağa qorqqan insan, ileride ekisini de coyar», – dedi Ametov.
Qurultaynıñ Merkeziy saylav komissiya reisi Zair Smedlâyev Meclisniñ saylav komitetine böyle teklifnen kimse buyurmağanını ayttı.
Onıñ aytqanlarına köre, Qurultaynıñ nevbetten tış saylavlarını keçirmek qararnı tek Qurultay sessiyasında çıqara bileler.
«Al-azırda inanmamaq içün sebeplerni körmeyim. Cemaat arasında çeşit noqtaiy-nazarlar bar… Bugünki akimiyetke insanlarnıñ yollanılması işbu akimiyetiniñ tanıluvı olmağanı Meclisniñ qararında qayd etilgendir», – dedi Smedlâyev.
«Samozahvatlarnıñ» qıralı dep adlanğan Daniyal Ametov 2010 senesi Aqmescitteki bir topraq damartasında uquq qorçalayıcı organlarınıñ hadimine aselet zarar ketirgeni içün 4 yıl müddetke apshanege alınğan edi. Uquq qorçalayıcılar ve bazı uquq qorçalayıcı teşkilâtlar Ametovnı siyasiy mabus olaraq tanıdılar. O 2013 senesiniñ soñunda azat etildi. Çünki grajdan ve cinaiy işler boyunca Yuqarı ihtisas mahkemesiniñ mahkemeciler eyyeti 2011 senesi Ametovnıñ ükümini 4 yıldan 3 yılğace azlaştırmaq qarar alğan edi.
Qırım.Aqiqatqa bergen izaatında o, işbu teşebbüs ile bir de bir teşkiyalât azası olaraq degil de, öz adından teşebbüs köstergenini aytıp keçti. Amma, ileride şu teklifni cemaat ve yaşlar teşkilâtları da alğışlay bilecegini nazarda tuta.
Böyle teşebbüsniñ sebeplerini aytqanda, Ametov Meclisniñ soñki areketlerini, yani «işğal rejimi ile işbirlik»ke ketkenini aytıp keçe.
«İşğalcilernen halqnı qorçalamaq içün işbirlikke razı olğanlarını aytalar. Lâkin, istilâcı mında cennet yapmaq içün bizni zapt etmedi. Aksine, bizden aş, mesken ve Vatanımıznı tutıp almaq ve böyleliknen, kendilerniñ raatlığını temin etmek içün bunı eteler. Duşmanğa boysunmaq – öldürüv kibidir, yani qoy olıp, işğalciniñ vazifesini qolay etmektir. Yüce Allah Quranda böyle dey: beden ve maddiy şeylerini coymağa qorqqan insan, ileride ekisini de coyar», – dedi Ametov.
Qurultaynıñ Merkeziy saylav komissiya reisi Zair Smedlâyev Meclisniñ saylav komitetine böyle teklifnen kimse buyurmağanını ayttı.
Onıñ aytqanlarına köre, Qurultaynıñ nevbetten tış saylavlarını keçirmek qararnı tek Qurultay sessiyasında çıqara bileler.
«Al-azırda inanmamaq içün sebeplerni körmeyim. Cemaat arasında çeşit noqtaiy-nazarlar bar… Bugünki akimiyetke insanlarnıñ yollanılması işbu akimiyetiniñ tanıluvı olmağanı Meclisniñ qararında qayd etilgendir», – dedi Smedlâyev.
«Samozahvatlarnıñ» qıralı dep adlanğan Daniyal Ametov 2010 senesi Aqmescitteki bir topraq damartasında uquq qorçalayıcı organlarınıñ hadimine aselet zarar ketirgeni içün 4 yıl müddetke apshanege alınğan edi. Uquq qorçalayıcılar ve bazı uquq qorçalayıcı teşkilâtlar Ametovnı siyasiy mabus olaraq tanıdılar. O 2013 senesiniñ soñunda azat etildi. Çünki grajdan ve cinaiy işler boyunca Yuqarı ihtisas mahkemesiniñ mahkemeciler eyyeti 2011 senesi Ametovnıñ ükümini 4 yıldan 3 yılğace azlaştırmaq qarar alğan edi.
