Bunı ZMINA uquq qoruyıcı teşkilât mustaqil ekspertlerniñ hulâsalarına atıf etip bildire. Olar uquq qoruyıcılarnıñ ve advokatlarnıñ tazyığı ile işğal etilgen Qırımda siyasiy mabüsler içün keçirilgen tibbiy baqınuvnıñ vesiqalarını ve neticelerini baqıp çıqtı.
Otolaringolog ve nevrolog ekimlerniñ hulâsalarına köre, Danılovıçnıñ keskin ötitten ğayrı daa nevrologik hastalıqları ve miy zararlanması bar. Olar, 2023 senesi aprel ayında Aqmescitteki ekim tarafından qoyulğan diagnoznı talil ettiler.
Ekspertniñ bildirgeni kibi, diagnoz belgilengen soñ tedaviylev tayin etilgen edi, amma semereligi teşkrelmegen ve qoşma baqınuv tayin etilmegen.
Onıñ sözlerine köre, tafsilâtlı talilden soñ tedaviylev shemasını tekrar teşkermek kerek.
Mustaqil nevrolog, Qırımdan ekimlerniñ hulâsalarından hastanıñ nevrologih şikâyetleri aqqında malümat aman-aman yoqtır.
Onıñ qayd etkeni kibi, tekrar insult olmaması içün Avropa ve Amerikadaki tedaviylev shemasında aspirin ve atorvastatin qullanıla, Qırımdan ekim ise böyle ilâclarnı tayin etmegen.
Emşire ve vatandaş jurnalisti keçken sene aprelniñ 29-nda işten evge qaytqanı zaman Rusiye quvetçileri tarafından yaqalanğan edi. İrınanıñ Aqmescit tahqiqat tevqifhanesinde olması yalıñız 13-ünci kün belli oldı. Bütün bu vaqıt tuvğanları ve tanışları onı tapmağa tırışa edi. Olarğa Köktebelniñ kenarındaki yaqıt stantsiyalarından birinde tapılğan İrınanıñ tutıp esir etilmesiniñ video yazısı yardım etti. Video adiy urbağa kiyingen bir qaç kişiniñ İrınanı arabağa nasıl itep oturtqanlarını köstere. Bu video esasında faalniñ babası Rusiye polisine ariza ile muracaat eterek, adam tutıp esir etilmesi faktı ile bağlı cinayet davasınıñ başlanmasını talap etti.
Danılovıç emşire olıp çalışa edi, içtimaiy ağlarda saifesi ve bir qaç bloger yazısı bar edi. Yazğanları esasen sağlıq hadimleri ve işğal altındaki yarımadada sağlıq problemlerinen bağlı edi.
2022 senesi dekabrniñ 28-nde Qırımdaki Rusiye mahkemesi vatandaş jurnalisti ve emşire İrına Danılovıçnı yedi yıl apis cazasına makhüm etti. Mahkeme qadınnı Rusiye Ceza Qanunnamesiniñ 222.1 maddesi ile «Patlayıcı madde ya da patlayıcı cihazlarnı qanunsız satın aluv, berüv, satuv, saqlav, taşuv, yollav ya da yanında taşımasında» qabaatlı tanıdı. Apis cezasından ğayrı qadın 50 biñ ruble para cezasını berildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
