Kyivde “Avromaydan SOS” ukrain volontör mukâfatınıñ ğalipleri mukâfatlandırıldı. Qırım.Aqiqat muhbiri, namzet ve ğalipler arasında eki qırımlı qadın olğanını bildidi.
Olardan birisi - “Ştorm” cemaat teşebbüsinin azası Yelena Antonova.
“Muvaqqat işğal başından biz, qırımlılarğa ukrain vesiqalarnıñ alması ve saqlap qalmasınen bağlı memuriy ve uquq meselelerinde yardım etmeknen oğraşamız. Namzetlik men içün beklenilmegen bir şey edi, çünki işimizge biri diqqat ayıra dep iç bellemedim”, - dep ikâye etti Yelena Antonova.
Bundan ğayrı daa bir namzetlikte, öz adını gizlemek istegen qırımlı qadın ğalip çıqtı.
Bütün vaqıt devamında o yarımadadaki qırımtatar ve ukrainlerniñ mahkemelerine qatnay ve soy-aqrabalarına SİZOğa aş ve eşya yollamağa yardım ete.
Keçken yılı “Avromaydan SOS” volontör mukâfatınıñ ğaliplerinden birisi “Hizb ut-Tahrir” davasınıñ iştirakçisi Marlen Asanov oldı. O SİZOda olğanı içün mukâfat apayı Ayşe Asanovağa berildi.
