Mayısnıñ 18-nde Kyivde Mustaqillik meydanında qırımtatar halqı genotsidi qurbanlarınıñ hatırasına sükünet daqqası oldı ve dua oquldı.
«Resmiy bir qısım, programma ve sözler yoq – Moskva öldürgenlerniñ, yoq etilgen taqdirlerniñ hatırasına sükünet daqqası ve dua», – dep yazdı aktsiyanıñ teşebbüsçilerinden biri İsmail Ramazanov Facebook saifesinde.
Genotsid qurbanlarınıñ hatırasını añmaq içün Ukraina musulmanları Dininy idaresiniñ müftisi Said İsmagilov, ukrain yırcısı Jamala, sabıq siyasiy mabüs Volodımır Baluh ve qırımtatrlar keldi.
Mayısnıñ 18-nde, sovetler qırımtatarlarnı Qırımdan sürgün etip başlağanına 77 yıl tola. Ukraina ve dünyada qırımtatar halqı genotsidiniñ qurbanları añıla.
Ukraina prezidenti Volodımır Zelenskıy mayısnıñ 18-nde qırımtatar halqı genotsidiniñ yılında Ukraina yarımadanı kontrol altına qaytarmaq içün ğayret köstere, dep qayd etti.
Facebook Forum