Qırımlı advokat Emine Avamileva Rusiyeniñ nezareti altında olğan Qırım prokuraturasından iyünniñ 26-nda qayd etilgen Qırımtatar Bayrağı künü ile bağlı "qanunlarnıñ bozulmasına yol berilmezligi" aqqında tenbi vasiqasını aldı. Bunı advokat öz Facebook saifesinde haber etti.
Rusiye quvetçileriniñ sözlerine köre, Emine Avamileva Rusiye prokuraturasınıñ malümatına köre, iyünniñ 26-nda keçirilmesi planlaştırılğan "ekstremist aktsiyası"nıñ teşebbüsçilerinden biridir.
"Bir yıllıq "tenefffüsten" soñ meni hatırladılar - kene bir tenbi", - dep yazdı Avamileva.
Rusiye polisiniñ ya da Qırım prokuraturasınıñ buña dair resmiy izaatı yoq.
Qırımlı advokat Emine Avamileva "E" merkeziniñ hadimleri tarafından yaqalanıp, mayısnıñ 28-nde mahkemeniñ qararı ile beş künge tevqif etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
