Bahmut civarında yaralanğan ukrayinalı asker, qırımlı Gennadiy Dolgolikov elâk olğan. Bunı Qırımtatar resurs merkezi haber ete.
"Qırımdan daa bir asker elâk oldı... Erkek 2023 senesi fevral ayında ağır yaralanğan edi. Yazıq ki, bu yara öldürici edi... Gennadiyniñ kiçik balası ve apayı qaldı", - dep yazıla bildirmede.
Büyük cenk başlamazdan evel Gennadiy bankir olaraq çalışa edi, futzal ile oğraşa edi ve qırımlı deñiz piyadeleri brigadalarına yardım ete edi, dep yaza BlackSeaNew neşriniñ baş muarriri Andriy Klımenko.
"Bir kere Bahmutqa ketmezden evel laqırdımızda o, "esirlikke teslim olmam, bunı bil" dedi. Bu menim açıq yaram edi... Men bir insan kibi onıñ impulsını añlay edim, amma bir qadın olaraq bu saylavından nefret ete edim. Bugün er kesniñ onen bağlı eñ yahşı añlarnı hatırlağanını ve onı ununtmağanını isteym. Çünki insalar hatırlanğanı süre yaşaylar", - dep yazdı elâk olğan siyasiy mabüsniñ ömür arqadaşı.
Keçken sene arbiy Ukrayinanıñ suvereniteti ve topraq bütünliginiñ Rusiye Federatsiyasınıñ arbiy tecavuzından qorunmasına müim şahsiy isse qoşqanı içün devlet nişanını alğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
