Link açıqlığı

Ukraina sıñırcıları Qırımdan Ukrainanıñ başqa regionlarğa ketken grajdanlarından sahte pasportlarını qaytaralar.

Bu aqta Ukraina Devlet sıñır hızmetiniñ matbuat hızmeti bildire.

Resmiy malümatqa köre, aprelnıñ 23de Devlet sıñırlar hızmetiniñ erbapları «Çaplinka» punktından keçken eki grajdannıñ vesiqalarını teşkergende eki kerçek olmağan pasport meydanğa çıqtı.

Pasport kontroli keçken zamanda sıñırcılar taqımı «Range Rover» maşınada ketken eki Ukraina vatandaşına diqqat etti. Olarnıñ vesiqaları martnıñ soñunda Armânskta berilgen eken. Bu pasportlar kerçek olmağanı belli oldı. Şimdi bu vesiqalar alınğan, «turistlerni» ise qıtadaki Ukrainağa yibermegenler.

Bu kibi vesiqalarnı yaqında «Melitopol» demiryol punktında tapılğan edi. Pasportlarını «Simferopol-Kiyev» poyezdinde ketken eki grajdandan alındı.

Olarnıñ da vesiqaları martnıñ soñunda berilgen ve kerçek olmağan eken.

Devlet sıñırlar hızmeti rusiyelilerni ve Qırım propiskalı Ukrain grajdanlarını «sıñırlarda nezaretini küçleştirgen»ini bildire.
XS
SM
MD
LG