Link açıqlığı

Qırımdan mecburen köçip kelgenler içün qıtaiy Ukrainada qayd etüv ketişatını sadeleştirecekler


Kelecek afta Ukraina Yuqarı Şurası «Vaqtınca işğal etilgen territoriya aqqında» qanunğa bazı bir deñişüvlerni kirsetmege ve Qırımnı terk etmege mecbur olğanlarnıñ aq-uquqlarını kenişletmege planlaştıra.

Köçip kelgenlerge qıtada vaqtınca qayd etüv ketişatını sadeleştirecekler. Olar öz şirketlerini ğayrıdan qayd ete bilecekler, iş tapuv ve tibbiy yardım meseleleri al etilecek.

«Deñişüvler şunı nazarda tuta ki, malümat kâğıtını elde etmek içün iç bir vesiqalarnı toplamağa kerek olmaz. Pasport ve vaqtınca yaşav yerini belgilep, arizanı taqdim etimege yeterli olur»,– dep añlattı Qırım.Aqiqatqa kanun leyhasınıñ müellifi, halq deputatı Andriy Sençenko.

Halq deputatı sözlerine köre, böyle malümat kâğıtınıñ elde etüvi köçip kelgenlerge çeşit içtimaiy aq-uquqlar ile faydalanmağa imkân bere.
XS
SM
MD
LG