Qırımdan eñ az 27 Rusiye arbiyi Ukrayina esirligindedir, dep bildirdiler Prezidentniñ Qırım MC temsilciliginde.
"İyülniñ 10-u itibarınen Qırımdan eñ az 27 Rusiye arbiyi esirlikke alınğanı malüm, olarnıñ çoqusı, büyük ihtimalnen Ukrayina vatandaşıdır", - dep yazıla bildirmede.
Temsilcilik yaşağan yeri Qırım olğan 425 Rusiye askeriniñ ölgenini bildirdi.
"Eñ az 302 adamnıñ Ukrayina vatandaşlığı bardır", - dep qoştılar temsilcilikte.
Mayıs ayında Ukrayina Yuqarı Radasınıñ insan aqları vekâletlisi Dmıtro Lubinets tahminlerge köre Rusiye 20 biñ ukrayinni esirlikte tutqanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
