Link açıqlığı

Ukraina Yuqarı Şurasında Regionlar Firqasını 20 deputat terk etti.

Bunı parlament toplaşuvında Yuqarı Şurasınıñ reisi Оleksandr Turçinov bildirdi, dep haber ete Radіo Svoboda.

Onıñ sözlerine köre, Regionlar Firqasıdan Qırımdan Ukraina parlamentine saylanğan Valentina Lütikova ve Vitalina Dzoz çıqtılar.

Olarnen birlikte firqanı Yevgeniy Balitskiy, Aleksandr Vasilyev, Vladimir Veçerko, Sergey Gorohov, Vitaliy Gruşevskiy, Anatoliy Denisenko, Aleksandr Dudka, Aleksandr Kozub, Vâçeslav Lukyanov, Yevgeniy Murayev, Vladimir Öliynık, Taisiya Povaliy, Aleksandr Ponomarev, Yuriy Samoylenko, Vladimir Struk , Viktor Tihonov, Vladimir Çub terk etti.

Regionlar firqasında 103 deputat bar edi. Fevralniñ soñundan işbu deputat birleşüvi parlamente öz terkibiniñ yarısını coyğandır.

Lütikova ve Dzoz Qırımda, Rusiyeniñ Qırım işğalini alğışlap, Rusiye tarafdarları tarafından keçirilgen mitinglerde faal iştirak ete edi.
XS
SM
MD
LG