Çehiya TİN yolbaşçısı Yan Lipavskiy Rusiyede yüz bergen vaqialarğa mısqıl bir şekilde cevap bererek, bu yaz tatili belki de Qırımda olacağını dedi.
"Qırımdaki yaz tatilimniñ yaqınlaşqanını körem" – dep yazdı Lipavskiy.
Öz nevbetinde Ukrayinanıñ Çehiyadaki elçisi Yevgeniy Perebiynis, Lipavskiyniñ yazısını izaatlır eken, Qırımda "güzel yerler" bilgenini yazdı ve raatlıq içün Aqyardaki Yaşmovıy plâjnı tevsiye etti.
Tünevin aqşam Prigojin 30 daqqalıq bir video derc etti, anda Rusiye «arbiy-siyasiy reberligini» Ukrayınadaki cenkte muvafaqiyetsizligi içün tenqit etti ve Rusiye prezidentiniñ memuriyetini qabarcılıqta qabaatladı.
O, Rusiye Mudafaa nazirligini Ukrayinadaki cenkniñ kerçek sebepleri meselesinde «cemaatçılıqnı aldatmağa tırışa», dep qabaatladı. İş adamınıñ fikirince, «cenk oligarhlarğa, bugün Rusiyeni idare etken klanğa kerek».
«Bu qabarcı klan er şey ala. Klannıñ çetel biznesi qapatılsa, devlet iç biznesini böle ve oña bere. Şunıñ içün iş adamlarına apiske alalar, banklarnı qapatalar, klan paralarını coymasın dep yapalar», – dep qayd etti o.
Prigojin Rusiye Federatsiyasınıñ arbiy reberligini Rusiye ordusınıñ Ukrayinadaki cenkte muvafaqiyetsiz olğanı içün çoq tenqit etti. Konstantin Dolgovğa bergen intervyüda «ÇVK Vagner» qurucısı Rusiye mudafaa naziri Şoygunı tenqit etip, Rusiye akimiyeti 2022 senesi fevral ayında ilân etken Ukrayina askeriysizleştirilüvi yerine tam tersine irişti, Ukrayina ordusı dünyanıñ eñ küçlü ordularından biri oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
