Cenübiy tsiklon tesiri sebebinden martnıñ 12-nde kündüz Qırımda ava vaziyeti yaramay olacaq: qarğa keçken küçlü yağmur, bazı yerlerde küçlü yağanaqlar, klegey buz-buzlavuq, şimaliy-şarqiy yel süratı saniyede 20-25 metrge artacaq. Bu aqta Qırım Gidrometmerkezi bildire.
Aqmescitte martnıñ 12-nde bulutlı ava olacaq. Gece yağmur yağdı, kündüz küçlü yağmur yağacaq. Bazı yerlerde tuman olacaq. Şimaliy-şarqiy yel süratı saniyede 10-15 metr, kündüz 20 metrge qadar yetecek. Gece ve kündüz ava arareti +5…+7°.
Aqyarda da martnıñ 12-nde bulutlı ava olacaq. Gece yağanaq yağmaycaq, saba ve kündüz yağmur yağacaq. Şarqiy yel süratı saniyede 5-10 metr, künniñ ekinci yarısında şimaliy-şarqiy yel süratı saniyede 9-14 metr olacaq. Ava arareti gece ve kündüz +6…+8°.
Yalı boyunda gece yağmur, kündüz küçlü yağmur, ara-sıra pek küçlü yağmur yağması beklenile. Şimaliy-şarqiy yel süratı saniyede 10-15 metr, kündüz 20-25 metr. Ava arareti gece ve kündüz +7…+9°.
