Qırımda Qurman rayonında çıqqan yanğında elâk olğan eki kişi tapıldı.
Rusiye kontrolindeki Qırım Fevqulâde vaziyetler nazirligi bildirgenine köre, facia martnıñ 2-nde saba saat 10-nda oldı.
«Ne yazıq ki, adise yeri baqılğanda elâk olğan eki kişi tapıldı. Qaza sebeplerini mütehassıslar ögrene», – dep aytıla qurtarıcılarnıñ haberinde.
Yılnıñ başından yanğınlarda elâk olğanlarnıñ sayısı 28 oldı. Qurtarıcılar bu «pek ciddiy qasevet» sebebi ola, dep bildirdi.
Fevralniñ 27-nde Rusiye Fevqulâde vaziyetler nazirligi Qırımda yanğın telükeli mevsim başlağanını ilân etti.
