Aqmescit merkezinde mayısnıñ 16-nda aqşam Vışıvanka künü munasebetinen ukrain cemiyetiniñ körüşüvi keçirile.
Qırım.Aqiqat mühbiriniñ bildirgenine köre, körüşüvge ondan ziyade insan keldi. Olar biri-birinen ukraince laf ete.
«Dünya vışıvanka kününe qoşulamız ve er şey tınç ve barışıq şekilde keçer, dep ümüt etemiz», – dep ayttı Qırım.Aqiqat mühbirine Qırımdaki Ukrain medeniyet merkeziniñ vekilini Alena Popova.
Vışıvanka künü – soñki on yıl içinde şekillengen resmiy olmağan bayram, mayısnıñ üçünci çarşenbe künü qayd etile, onı mahsus iş kününe belgilegenler ve devlet ya da din bayramına bağlamağanlar, bunıñ maqsadı vışıvanka tek bayram atributı degil, ukrainalılarnıñ er künlik yaşayış parçası olğanını köstermektir.
Çoqusı allarda raatlıq künleri vışıvankağa kiyingen insanlarnıñ büyük yürüşleri keçirile.
