Link açıqlığı

Saatnıñ esas haberi

Qırımdaki tintüv ve tutuvlar: nasıl oldı (video)


Qırımdaki tintüv ve tutuvlar: nasıl oldı (video)
Bekleñiz, lütfen
Embed

No media source currently available

0:00 0:02:44 0:00

İyünniñ 10-nda Qırımda qırımtatar faalleriniñ evlerinde tintüvler keçirildi. Quvetçiler saba erte keldi – tintüvlerniñ şaatı faallerniñ apay, bala ve ana-babaları oldı. Aluşta, Qarasuvbazar ve Aqmescit rayonlarında 8 er adam tutuldı. Olarnı Rusiyede yasaqlanğan «Hizb ut-Tahrir» teşkilâtında iştirak etkeninden şübheli dep sayalar. İyünniñ 10-nda Rusiye kontrolindeki Aqmescitniñ Kiyev rayon mahkemesi qırımtatarı Riza Ömerovnı 1 ay ve 26 künge, avgustnıñ 5-ne qadar, SİZOda qaldırdı. Daa soñra mahkeme iyünniñ 10-nda tutulğan daa üç qırımtatarını avgustnıñ 5-ne qadar SİZOğa yolladı: Enver Ömerov, Eskender Suleymanov ve Ayder Cepparovnı. İyünniñ 10-nda tutulğan daa dört qırımtatarı – Lenur Halilov, Ruslan Mesutov, Eldar Kantimirov ve Ruslan Nagayevniñ – sıñırlav tedbiri iyünniñ 11-nde Aqmescitniñ Kiyev rayon mahkemesinde belgilenecek. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede ve 2014 senesi işğalge oğrağan Qırımda adaletsiz taqip etilgenini ayta.

XS
SM
MD
LG