Ukrayinada Qırımdaki "Taygan" safari-parkınıñ ve Yaltadaki "Skazka" ayvanat bağçasınıñ saibi Oleg Zubkovnı, Herson vilâyetiniñ işğal etilgen qısmındaki "Askaniya-Nova" qoruğından ayvanlarnı çıqarğanı içün, ğıyabiy şekilde mahkeme etecekler. Bu aqta Armannıñ 26-nda Ukrayina Baş prokurorınıñ Ofisinde bildirdiler.
Haberge köre, Zubkovnıñ areketleri "bir gruppa şahıslar tarafından evelden añlaşıдшp yapılğan cenk qanunları ve adetleriniñ bozuluvı" olaraq tasnif etildi. Munasip qabaatlav vesiqası mahkemege yollanıldı.
"2023 senesi Orta küzde "Skazka" Yalta ayvanat bağçasınıñ ve Qırım daki "Taygan" arslan parkınıñ tesisçisi ve "Askaniya Nova" qoruğınıñ işğalci müdiri qoruqtan ayvanlarnıñ berilüvi aqqında añlaştılar. 2023-2024 seneleri qoruq territoriyasından vaqtınca işğal etilgen Qırımda yerleşken "Taygan" arslan parkına halqara gumanitar uquq qorçalavı altında olğan ayvanlar çıqarıldı", — dep aytıla haberde.
Ukrayina Baş prokurorınıñ Ofisiniñ haberinde adı ve soyadı aytılmay, lâkin haberde qayd etilgen malümat Zubkovnı köstere. O, qabaatlavlar boyunca açıq izaat bermedi.
"Askaniya-Nova" biosfera qoruğı 2022 senesiniñ baarinden başlap işğal altında buluna. Rusiye tarafından tayin etilgen yerli akimiyet onıñ uquqiy vesiqalarını ve reberligini deñiştirdi.