Qarasuvbazardaki «Taygan» arslanlar parkına eki fil qoşuldı. Bunı Qırım.Aqiqatqa parknıñ saibi, qırımlı iş adamı Oleg Zubkov bildirdi.
Filler parkta 4,5 gektarlıq balaban volyerde yaşaycaqlar.
«Bugün menim daa bir arzum kerçekleşe, parkımda filler yaşağanını pek istey edim. Eki büyük fil bugün gece Qırım köpründen keçti ve şimdi parkıma keldil. On yıldan ziyade bu anni bekledim. Ve Qırım akimiyetiniñ menim parklarıma dair munasebeti deñişmese edi, belki de bu iç olmaz edi. Bugün yatırım leyhasınıñ amelgen keçirilmesi ve park meydanınıñ keñleşmesi sayesinde filler içün 4,5 gektarlıq yer ayırıldı ve bu Rusiyede filler içün eñ büyük volyer», – dep aytıp berdi Zubkov.
Onıñ qayd etkenine köre, ziyaretçiler volyer filler karantinni keçken soñ açılacaq.
«Yañı volyerniñ açıluvını tantanalı tarzda mayısnıñ 4-nde saat 11:00 keçirecek olamız. Şimdi fillerimiz 0,5 gektarlıq qış volyerinde karantinde olacaqlar. Filler Rusiye Rostsirkinden bizge keldiler», – dedi o.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
