Qırımtatar resurs merkezi işğal etilgen Qırımda yañı insan aqları bozuvlarına dair esabat çıqardı.
Teşkilâtnıñ malümatına köre, sentâbr ayında Rusiye uquq qoruyıcıları eki tintüv keçirdi, altı insannı tuttı ya da yibermedi ve altı sorğu, sorav ya da «subet» keçirdi. 11 kişi tutuldı, ekisi – qırımtatarı.
Bundan ğayrı, yüksek seviyeli beden ve maneviy sağlıq aqqı 3 kere bozuldı, Rusiye akimiyeti insan aqlarına muntazam sürette sayğısızlıq köstere.
Qırımtatar resurs merkezi Qırım işğali vaqtında 362 siyasiy mabüs qayd etildi, 226-sı qırımtatarı ola, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
