Qırım ealisi içün içme suv yedekleri 2020 senesi mart ayına qadar yetecek. Bu aqta noyabrniñ 12-nde Rusiye ükümetiniñ baş nazir muavini Andrey Rumşin jurnalistlerge bildirdi.
«Mart ayına qadar yedeklerimiz bar. Amma yağanaqlar noyabr-dekabr aylarında yağadeaq, em de qarlı yanvar ve fevral bar», – dep bildire Rümşinniñ aytqanlarını Qırım ükümetine yaqın olğan «Krıminform».
Baş nazir muavininiñ qayd etkenine köre, ealige berilgen suv sıñırlanması planlaştırılmay.
Qırım gidromettsentri, yağanaqlar az olğan sıcaq küz qurğaqlıq ve yarımadanıñ tabiiy aquv suv anbarlarına suv bergen esas özenlerniñ qurumasına sebep oldı.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
