Qırımdaki Rusiye İç işler nazirligi İdaresiniñ matbuat hızmeti bildirgenine köre, qıdırılğan 18 vatandaş keçken afta tapıldı.
«Tedbirler vaqtında politsiya hadimleri ğayıp olğan beş kişiniñ bulunğan yerini bildi, tanılmağan cesedniñ şahsiyeti de ögrenildi», – dep aytıla haberde.
Matbuat hızmetiniñ malümatına köre, «keçken yıllarnıñ cinayetlerine alâqası olğanlarnıñ» şahsiyetleri belli oldı.
Keriç ve Aqyarda Rusiye uquq qoruyıcıları 14 insannı gizli oyun klubları ağınıñ faaliyetinden şübheli sayıp yaqaladı.
