İşğal etilgen Qırımda Rusiye mediası Kahovka suv elektrik stantsiyasınıñ dağıluvı mevzusında sessizdir. Yarımadanıñ Rusiye reberligi halq arasında telâş olmasından qorqqanı qayd etile. Bunıñ aqqında Ukrayina Silâlı Quvetleriniñ Baş ştabınıñ malümatında haber etile.
"Muvaqqat işğal etilgen Qırımda, hususan Aqmescitte, yerli haber vastaları Rusiye işğalcileri tarafından Kahovka suv elektrik stantsiyasınıñ patlatıluv faktı ve felâketniñ aqibetlerini aydınlatmamağanı közetile. Yerli işğal reberligi halq arasında peyda ola bilecek telâştan qorqanı belli", - dep yazıla bildirmede.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
