Rusiyeniñ nezaretinde olğan Aqmescitniñ Kiyev rayon mahkemesi vatandaş jurnalisti, qırımtatar faali Rolan Osmanovnı "rusiye ordusını tibardan tüşürüv içün" 40 biñ ruble para cezasına mahküm etti. Bunı sentâbrniñ 13-nde "Qırım esnası" cemaat teşebbüsi haber etti.
"Mahkemeci Andrey Dolgopolov onı memuriy uquq bozma işlegeninde qabaatlı tanıdı ve 40 biñ ruble para cezasını berdi. Mahkemeniñ resmiy saytında oturışnıñ tarihı ve vaqtı, çıqarılğan qarar aqqında malümat yoq. Mahkeme zalında diñleyiciler yoq edi. Mahkemeciniñ yardımcısı oturışta tek suçlunıñ yaqınları iştirak ete bilgenini haber etti. Dava 30 daqqa içinde baqıldı. Mahkeme oturışından soñ Rolan Osmanov qaranı istinaf mahkemesinde temyiz etecegini bildirdi", - dep yazıla bildirmede.
İyülniñ 13-nde «Qırım birdemligi» Rusiye kontrolindeki Qırım Yuqarı mahkemesiniñ binası ögünde kimligi belli olmağan insanlar qırımtatar faali Rolan Osmanovnı tuttı, dep bildirdi.
Faal Lemmar Yunusov Osmanov Rusiyeniñ Ekstremizm ile küreş merkeziniñ binasında buluna, dep haber etti. Bu malümatnı «Krım SOS» aq qorçalayıcı teşkilâtınıñ talilcisi Yevğen Yaroşenko da tasdıqlay.
2021 senesi dekabr ayında Rolan Osmanov o yıl sentâbrniñ 4-nde FSB binası ögünde toplaşuv içün 15 biñ ruble para cezasını aldı. O künü Aqmescit rayonınıñ Biy Tanış (Pervomayskoye) köyünde qırımtatar faali Nariman Celâlnıñ evinde tintüv keçirilgen edi.
2019 senesi aprelniñ 30-nda Rusiye uquq qoruyıcıları Rolan Osmanovnıñ evini tintken edi. Osmanov tutulmağan edi.
2021 senesi dekabr ayında Rolan Osmanov o yıl sentâbrniñ 4-nde FSB binası ögünde toplaşuv içün 15 biñ ruble para cezasını aldı. O künü Aqmescit rayonınıñ Biy Tanış (Pervomayskoye) köyünde qırımtatar faali Nariman Celâlnıñ evinde tintüv keçirilgen edi.
2019 senesi aprelniñ 30-nda Rusiye uquq qoruyıcıları Rolan Osmanovnıñ evini tintken edi. Osmanov tutulmağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
