Keçken sene avgust ayında Bağçasarayda Ukrayina istilâsına bağışlanğan alleyada Z ve V arifleri ile yapılğan instalâtsiyağa siygen adamnı "vandallıqta ve Rusiyeniñ arbiy şan-şüreti timsallerini aqaretlevde" qabaatladılar.
Birinci oturışqa diñleyicilerni yibermediler, çünki bu evelden baqılacaq bir oturış olacaq, ve, adet üzre, başqa şahıslar iştirak etmeycek. Esnasqa yolbaşçılıq Alla Hineviç ete, al-azurda oña qarşı ukrayin mahkemesi devlet hainligi aqqında cinaiy işni baqmaqta. Mahkemeci Lenur İslâmov, İvan Yatskin, Konstantin Şiringge qarşı davalarda iştirak etkeni içün belli.
"Qırım esnasında" qayd etilgenine köre, Rusiye cinaiy-protsessual kodeksiniñ qaidelerine köre, arbiy şan-şüret timsallerini aqaretlevnen bağlı madde region mahkemelerine ağır ve pek ağır cinayetler sırasına kire. Şunıñ içün, belli bir aqibet ve zarar olmağanına baqmadan, iş "Qırım Cumhuriyetiniñ Yuqarı mahkemesi" tarafından baqıla. Türenkonı qabaatlağan maddelerge köre, vandalizm içün üç yılğa qadar azatlıqtan marum etüv, arbiy şan-şüret abideleriniñ bozulması içün beş yılğa qadar apis cezasını belgileyler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
